Groom Wedding Viral Video : लग्न दोन व्यक्तींना एकत्र आणतं. हा लग्नसोहळा प्रत्येकासाठीच खूप खास असतो. आपल्या आयुष्याचा जोडीदार आता पुढील वाटचालीत कायम आपल्याबरोबर असण्याची भावनाच काही और असते. लग्नसोहळ्यातील अनेक व्हिडीओ सोशल मीडियावर व्हायरल होत असतात आणि तो पाहून आपसूकच आपल्या ओठांवर हसू येतं. पण सगळ्याच लग्नात असं होत नाही. सध्या अशीच घटना मध्य प्रदेशातील एका ठिकाणी घडलीय ज्याचा व्हिडीओ सोशल मीडियावर व्हायरल होतोय. ज्यात, नवरदेव लग्नाच्याच दिवशी आपले प्राण सोडतो.
View this post on Instagram
मृत्यू कधी सांगून येत नाही, असं म्हतात. अगदी ठणठणीत असलेल्या माणूसदेखील अचानक आपला जीवही गमावतो. कधी कुठे आपल्या नशीबी मृत्यू येईल हे सांगता येत नाही. त्यात नशीबाने साथ दिली नाही तर अगदी आनंदाच्या दिवशीदेखील वाईट घडू शकतं. असाच प्रकार त्या नवरदेवाबरोबर घडला आणि तो मृत्यूच्या सापळ्यात अडकला. नेमकं घडलं तरी काय, जाणून घेऊ या…
View this post on Instagram
सोशल मीडियावर व्हायरल झालेला हा व्हिडीओ पाहून कोणाची वेळ कधी येईल हे सांगता येत नाही असं तुम्हालाही वाटेल. या व्हिडीओमध्ये आपण पाहू शकतो की भर लग्न समारंभात काळाने नवरदेवाचा घात केला. या लग्नसमारंभात नवरदेव घोड्यावर बसून आपला खास दिवस एन्जॉय करताना दिसतोय. पण तो घोड्यावर बसला असतानाच अचानक कोसळतो आणि जागच्या जागी आपले प्राण सोडतो. ही घटना मध्य प्रदेशातील श्योपूर जिल्ह्यातील आहे असं या व्हिडीओच्या कॅप्शनमधून दिसून येतंय Groom Wedding Viral Video.
